Tre të vdekurit pranë konsullatës izraelite në Stamboll - Zbulohet identiteti i terroristëve, dy prej tyre vëllëzër

Të tjera detaje kanë dalë në dritë, pas të shtënave me armë zjarri pranë konsullatës izraelite në Stamboll, ku tre agresorët u vranë nga Policia, ndërsa dy prej këtyre të fundit mbetën të plagosur.

Sipas informacioneve zyrtare, ministri i Brendshëm i Turqisë ka bërë me dije se dy policët mbetën të lënduar lehtë, jashtë rrezikut për jetën, ndërsa identitetet e tre terroristëve janë identifikuar por nuk janë bërë publike për arsye sigurie.

Sipas ministrit, Mustafa Çiftçi, agresorët erdhën në Stamboll nga Izmiti me një automjet të marrë me qira, ndërsa njëri prej individëve ka lidhje me një organizatë që shfrytëzon fenë.

Ndër të tjera zyrtari i lartë i Brendshëm, sqaroi në deklaratën e tij në X, se njëri nga dy terroristët, të cilët janë vëllezër, ka një precedent të lidhur me drogën.

Deklarata e ministrit të Brendshëm, Mustafa ÇİFTÇİ: 

Tre individë që u përfshinë në një përleshje të armatosur me oficerët tanë të policisë në detyrë përpara blloqeve Yapı Kredi Plaza në Stamboll janë neutralizuar. Dy nga oficerët tanë heroikë të policisë u plagosën lehtë në përleshje.

Identitetet e terroristëve janë përcaktuar. U zbulua se ata erdhën në Stamboll nga Izmiti me një automjet me qira; njëri prej individëve ka lidhje me një organizatë që shfrytëzon fenë; dhe njëri nga dy terroristët, të cilët janë vëllezër, ka një precedent të lidhur me drogën.

İstanbul’da Yapı Kredi Plaza Blokları önünde görev yapan polislerimizle silahlı çatışmaya giren 3 kişi etkisiz hale getirilmiştir. Çatışmada iki kahraman polisimiz hafif yaralanmıştır.
Teröristlerin, kimlikleri tespit edilmiştir. İzmit’ten kiralık araçla İstanbul’a geldikleri…

— Mustafa ÇİFTÇİ (@mustafaciftcitr) April 7, 2026