Rusia ka sulmuar Ukrainën me 500 dronë dhe raketa. Ministri i Jashtëm, Andrei Sibiha ka deklaruar se si pasojë e këtij sulmi kanë humbur jetën tre persona. Mediat shkruajnë se një person u vra në Bucha, afër kryeqytetit Kiev, dhe dy të tjerë vdiqën në rajonin Zhytomy  dhe në Kharkiv, afër vijës së frontit në lindje.

Ky sulm i madh ajror, i cili përbën një valë të re bastisjesh gjatë ditës, bëri që kompania ukrainase e energjisë Ukrenergo të njoftojë ndërprerje emergjente të energjisë elektrike në rajone të ndryshme të vendit. Raketat dhe dronët rusë vazhdojnë të kërcënojnë vendin këtë mëngjes, paralajmëruan autoritetet lokale.