Rrëzohet një aeroplan ushtarak në Kolumbi: Me 110 ushtarë në bord, numri i viktimave nuk dihet

Ministria e Mbrojtjes e Kolumbisë tha të hënën se një aeroplan Lockheed Martin Hercules C-130 u përfshi në një aksident në jug të vendit, dhe BluRadio lokale raporton se në bord ishin 110 ushtarë.

Ministri i Mbrojtjes Pedro Sanchez tha se përplasja ndodhi ndërsa avioni po ngrihej nga Puerto Leguisama, thellë në rajonin jugor të Amazonës së Kolumbisë në kufirin me Perunë, ndërsa transportonte forca ushtarake.

“Numri i saktë i viktimave dhe shkaqet e aksidentit ende nuk janë përcaktuar”, tha ai.

BluRadio iu referua autoriteteve, sipas të cilave në aeroplan kishte 110 ushtarë dhe aksidenti ndodhi vetëm tre kilometra larg qendrës urbane.Kompania amerikane e mbrojtjes Lockheed Martin nuk iu përgjigj menjëherë kërkesës së Reuters për koment.

Në fund të shkurtit, një Hercules C-130 në pronësi të Forcave Ajrore Boliviane u rrëzua në qytetin e dendur të populluar të El Altos, duke i shpëtuar për pak një ndërtese banimi.

Në atë kohë, më shumë se 20 persona u vranë, 30 u plagosën, dhe kartëmonedhat nga zona e ngarkesës së aeroplanit u shpërndanë nëpër qytet, gjë që shkaktoi një konflikt midis banorëve dhe forcave të sigurisë.