ICE në aeroportet e SHBA/ Radhë të gjata, agjentët e imigracionit ndihmë për sigurinë e pasagjerëve

Agjentët e ICE do të jenë të pranishëm në aeroportet amerikane duke filluar nga dita e hënë.

Donald Trump dhe Tom Homan, kanë konfirmuar se administrata po dërgon agjentë të Imigracionit dhe Doganave në aeroportet amerikane për të ndihmuar me sigurinë mes radhëve jashtëzakonisht të gjata dhe për të ndihmuar agjentët e sigurisë së aeroporteve që kanë punuar pa pagesë që nga 14 shkurti për shkak të një mbylljeje të pjesshme të qeverisë.

Mbetet e paqartë se çfarë përgjegjësish do të kenë oficerët e ICE, dhe Homan tha se detajet janë ende duke u finalizuar.

Sipas Homan, kjo do të lehtësojë oficerët e aeroporteve për kontrolle dhe të zvogëlojë radhët.

Më shumë se 400 agjentë të aeroporteve kanë lënë punët e tyre që kur filloi mbyllja e pjesshme e qeverisë dhe të tjerë marrin leje si të sëmurë. Kjo ka shkaktuar pritje të mëdha në pikat e kontrollit të sigurisë në të gjitha aeroportet amerikane.

Demokratët e Senatit kanë bllokuar fondet për Departamentin e Sigurisë Kombëtare, i cili mbikëqyr oficerët e aeroporteve, duke kërkuar reforma pasi agjentët e imigracionit vranë qytetarët amerikanë Renee Good dhe Alex Pretti në Minneapolis gjatë protestave në janar.