Shtetet e Bashkuara po intensifikojnë praninë e tyre ushtarake në Lindjen e Mesme, ndërsa lufta me Iranin vazhdon të përshkallëzohet. Pentagoni ka vendosur të dërgojë rreth 5 mijë marinsa dhe disa anije luftarake drejt rajonit strategjik të Ngushticës së Hormuzit.
Sipas raportimit të The Wall Street Journal, Sekretari amerikan i Mbrojtjes Pete Hegseth ka miratuar kërkesën e 'United States Central Command' për përforcime shtesë ushtarake, në një moment kur Irani ka shtuar aktivitetin dhe sulmet në këtë korridor të rëndësishëm energjetik.
Presidenti amerikan Donald Trump deklaroi se nuk pret një rebelim të afërt brenda Iranit kundër regjimit aktual. ‘Do ta ndiej në kockat e mia kur lufta me Iranin të përfundojë,’ u shpreh ai.
Ndërkohë, situata në terren mbetet e rëndë. United States Central Command konfirmoi se të gjashtë anëtarët e ekuipazhit të avionit të furnizimit Boeing KC‑135 Stratotanker, i cili u rrëzua në Irakun perëndimor të enjten, kanë humbur jetën.
Po ashtu, 16 ushtarakë amerikanë janë vrarë gjatë operacionit ushtarak Operation Epic Fury, një nga operacionet më të fundit të ndërmarra nga SHBA në rajon.
Ngushtica e Hormuzit mbetet një nga pikat më strategjike në botë për transportin e naftës, dhe çdo përshkallëzim i konfliktit mes SHBA-së dhe Iranit rrezikon të ketë pasoja të mëdha për sigurinë globale dhe tregjet energjetike.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ndërron jetë Ramiro Valdes, një nga 'heronjtë' e fundit të 'Revolucionit Kuban'
Tajvani organizon një stërvitje pesë-ditore për 'gatishmëri luftarake'
Knicks fituan kampionatin, por Rama Duwaji fitoi paradën