Sulm me raketa në Izrael, raportohet për dhjetëra persona të plagosur

Dhjetëra persona kanë mbetur të plagosur pas një sulmi me raketa në një fshat në veri të Izraelit në orët e para të mëngjesit të së premtes, sipas shërbimeve izraelite të emergjencës.

Shërbimet shëndetësore bënë të ditur se ekipet mjekësore trajtuan gjithsej 58 persona dhe i transportuan ata në spitalet lokale pas goditjes në fshatin Zarzir, pranë qytetit të Nazaretit.

Nga ana tjetër, ushtria izraelite bëri të ditur se në vendin e ngjarjes janë dërguar njësi të Komandës së Frontit të Brendshëm, të cilat po bashkëpunojnë me autoritetet e emergjencës dhe ekipet e shpëtimit.

“Forcat po kryejnë një vlerësim të situatës në terren në bashkëpunim me autoritetet e emergjencës dhe shpëtimit, me qëllim pastrimin dhe sigurimin e zonës”, thuhet në deklaratën e ushtrisë izraelite.