VIDEO- Izraeli sulmon vendet e magazinimit të karburantit në Teheran! Pamjet e shpërthimit të flakëve

Ushtria izraelite njoftoi se ka ndërmarrë një seri goditjesh ndaj disa komplekseve të depozitimit të karburantit në kryeqytetin iranian, Teheran, të cilat sipas saj përdoreshin nga infrastruktura ushtarake e regjimit iranian.

Në një deklaratë zyrtare, ushtria izraelite tha se forcat ushtarake iraniane “përdorin drejtpërdrejt dhe shpesh këto depo karburanti për të operuar infrastrukturën e tyre ushtarake”.

Sipas deklaratës, përmes këtyre rezervuarëve regjimi iranian shpërndan karburant për përdorues të ndryshëm, përfshirë edhe entitete ushtarake brenda Iranit.

Forcat e Mbrojtjes së Izraelit (IDF) e cilësuan operacionin si një goditje “të rëndësishme”, duke theksuar se ajo përbën “një hap shtesë në thellimin e dëmit ndaj infrastrukturës ushtarake të regjimit iranian”.

“IDF do të vazhdojë të veprojë me vendosmëri për të dobësuar ndjeshëm kapacitetet e regjimit dhe për të eliminuar kërcënimet ndaj shtetit të Izraelit”, thuhet më tej në deklaratë.

'آتش‌سوزی انبار نفت اقدسیه از فاصله نزدیک'
ویدیوی دریافتی از سوهانک، انتهای بزرگراه ارتش #تهران'
شنبه ۱۶ اسفند #Iran #Tehran pic.twitter.com/ikqloDGwbm

— Vahid Online (@Vahid) March 7, 2026