Zëdhënësja e Ministrisë së Jashtme të Rusisë tha të enjten se një incident me një motoskaf të regjistruar në Florida pranë brigjeve të Kubës, ishte një "provokim agresiv nga Shtetet e Bashkuara", që synonte përshkallëzimin e situatës dhe shkaktimin e një konflikti, njoftoi agjencia shtetërore e lajmeve TASS.
“Ky është një provokim agresiv nga Shtetet e Bashkuara që synon përshkallëzimin e situatës dhe shpërthimin e një konflikti”, citohet të ketë thënë zëdhënësja e Ministrisë së Jashtme, Maria Zakharova, nga TASS.
Forcat kubane vranë katër persona dhe plagosën gjashtë të tjerë që lundruan në ujërat kubane me një motoskaf të mërkurën dhe hapën zjarr ndaj një patrulle kubaneze, tha qeveria kubane në një kohë tensionesh të larta me Shtetet e Bashkuara.
Siç raportoi më parë Ministria e Brendshme Kubane, një motoskaf i regjistruar në shtetin amerikan të Floridës hyri në ujërat territoriale të ishullit. Personat në bord hapën zjarr ndaj një anijeje patrullimi kubaneze, e cila iu kundërpërgjigj me armë.
Sipas ministrisë, katër persona u vranë dhe gjashtë u plagosën midis atyre që ndodheshin në anijen amerikane. U plagos edhe komandanti i patrullës kufitare kubaneze.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Magyar planifikon fushatë kundër korrupsionit dhe kushtetutë të re
Ish-ministri i jashtëm egjiptian emërohet shef i ri i Ligës Arabe
Të shtëna në lagjen hebraike të Montrealit! 3 të vdekur, mes tyre edhe autori i sulmit