Presidenti francez Emmanuel Macron pranoi sot dorëheqjen e drejtorit të muzeut të Luvrit, i cili ishte cak i kritikave pas grabitjes së bizhuterive mbretërore franceze në atë muze.

Zyra e presidentit njoftoi se drejtori i Luvrit, Laurence de Carre, kishte dhënë dorëheqjen.

Sipas deklaratës, Macron vlerësoi vendimin e saj për të dhënë dorëheqjen si një akt përgjegjësie në një kohë kur muzeu më i madh në botë ka nevojë për paqe dhe një shtysë të re të fortë për të zbatuar projekte të mëdha rreth përmirësimeve të sigurisë, modernizimit dhe nismave të tjera.

Hajdutëve iu deshën më pak se tetë minuta tetorin e kaluar për të vjedhur bizhuteri mbretërore me vlerë 88 milionë euro gjatë një grabitjeje fundjave në muzeun më të vizituar në botë, menjëherë pasi muzeu u hap.

Ky veprim tronditi botën. Policia arriti t’i arrestonte hajdutët mjaft shpejt, por bizhuteritë nuk janë gjetur ende.