Presidenti sirian, Mohammed al-Sharaa ka pritur këtë të premte në Damask presidenten e Komisionit Evropian, Ursula von der Leyen. Von der Leyen po viziton rajonin së bashku me Presidentin e Këshillit Evropian, Antonio Costa.
“Sot në Damask me Anthony Costa-n. Pas dekadash frike dhe heshtjeje, sirianët kanë nisur një udhëtim të gjatë drejt shpresës dhe ripërtëritjes.
“Evropa do të bëjë gjithçka që mundet për të mbështetur rimëkëmbjen dhe rindërtimin e Sirisë”, shkroi ajo në një postim.
Takimi me presidentin sirian zhvillohet në një kohë kur përleshjet me forcat militante kurde kanë ndodhur në Aleppo, qytetin e madh në veri të vendit, ditët e fundit.
Të enjten, në një deklaratë të përbashkët pas takimeve të tyre në Aman, BE-ja dhe Jordania u zotuan se do të vazhdojnë të punojnë për të mbështetur një tranzicion paqësor dhe gjithëpërfshirës në Siri.
Vendi është përfshirë në një tranzicion delikat që kur pas rrëzimit nga pushteti i Bashar al-Assad një vit më parë, pas një lufte civile gati 14-vjeçare.
Bashkimi Evropian hoqi më 20 maj të gjitha sanksionet ekonomike që kishte vendosur nën regjimin e Asadit. Disa komisionerë evropianë kanë udhëtuar tashmë në Damask që nga rënia e Asadit, çdo herë duke njoftuar programe të ndryshme ndihme për vendin që është shkatërruar pas viteve të tëra lufte.
In Damascus today with @eucopresident.
After decades of fear and silence, Syrians began a long journey toward hope and renewal.
Europe will do everything it can to support Syria’s recovery and reconstruction. pic.twitter.com/Bno3hAZzuM
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Navrocki vendosi t’i heqë Zelenskit dekoratën më të lartë polake - Urdhrin e Shqiponjës së Bardhë
Tronditet Gjermania, foshnja rrëmbehet nga karroca dhe gjendet e pajetë pas 24 orësh
Zelensky: Një javë duhet të jetë e mjaftueshme që Lukashenko të largojë pajisjet e përdorura nga Rusia