Tragjedi në Crans-Montana: Shpërthim dhe zjarr vrasin disa persona në natën e Vitit të Ri

Një shpërthim i ndjekur nga një zjarr ka ndodhur në një bar në qytetin zviceran të skive Crans-Montana gjatë natës së Vitit të Ri, duke shkaktuar vdekjen e disa personave dhe duke plagosur rëndë të tjerë, raportuan mediat lokale, duke cituar policinë.

Autoritetet ende nuk kanë dhënë detaje të sakta mbi shkakun e shpërthimit apo numrin e viktimave, por raporti i portalit zviceran Blick thekson se zjarrfikësit dhe ekipet e urgjencës janë nisur menjëherë në vendngjarje për të kontrolluar situatën dhe për të shpëtuar të mbijetuarit.

Policia ka mbyllur zonën përreth barit dhe ka nisur hetimet për të përcaktuar nëse shpërthimi ishte aksidental apo i qëllimshëm. Autoritetet lokale gjithashtu po punojnë për të ndihmuar viktimat dhe familjet e tyre, ndërsa ofrojnë qendër emergjence për ndihmën psikologjike.

Deri tani, nuk ka informacione për të dyshuarit apo arrestime, dhe autoritetet u kanë bërë thirrje qytetarëve të shmangin zonën përreth për shkak të rrezikut nga zjarr dhe rrënojat.