Presidenti iranian Masoud Pezeshkian iu përgjigj të martën demonstratave të shkaktuara nga kriza ekonomike e vendit, duke bërë thirrje për dialog me protestuesit.
“I kam udhëzuar ministrit të brendshëm që të angazhohet në dialog me përfaqësuesit e lëvizjes protestuese dhe të shqyrtojë kërkesat e tyre”, shkroi ai në X.
Ai premtoi të ndiqte reformat në sistemet monetare dhe bankare, si dhe masa për të ruajtur fuqinë blerëse të njerëzve.
Ajo që filloi si protesta në Teheran kundër situatës së dobët ekonomike, shpejt u shndërrua në politike, me thirrje të tilla si "Vdekje diktatorit", të drejtuara kundër sistemit islamik.
Demonstruesit madje bënë thirrje për rivendosjen e monarkisë me brohoritjet "Rroftë mbreti".
Policia u dislokua dhe përdori gaz lotsjellës për të shpërndarë turmat, raportuan dëshmitarët okularë.
Sipas dëshmitarëve okularë, protesta kanë shpërthyer edhe në qytete të tjera, me demonstrata në qytete të mëdha si Isfahani dhe Kermani. / DPA News.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Navrocki vendosi t’i heqë Zelenskit dekoratën më të lartë polake - Urdhrin e Shqiponjës së Bardhë
Tronditet Gjermania, foshnja rrëmbehet nga karroca dhe gjendet e pajetë pas 24 orësh
Zelensky: Një javë duhet të jetë e mjaftueshme që Lukashenko të largojë pajisjet e përdorura nga Rusia