Rishfaqja e flasterëve në dorën e Presidentit të SHBA-së, Donald Trump, ka ngjallur përsëri spekulime të forta rreth shëndetit të tij, siç raporton CNN. Shtëpia e Bardhë është nxituar përsëri t’i vërë gjërat në vendin e tyre, duke raportuar se Trump po vendos flasterë në dorë për të fshehur mavijosjet që ka nga shtrëngimet e vazhdueshme të duarve që bën në numrin e madh të takimeve që ka çdo ditë në Zyrën Ovale dhe më gjerë.

“Presidenti shtrëngon duart gjatë gjithë kohës. Zyra Ovale është si Terminali Qendror i Madh. Ai takohet me më shumë njerëz nga sa e dini çdo ditë”, u tha zëdhënësja e Shtëpisë së Bardhë, Caroline Levitt, gazetarëve në një konferencë për shtyp.

Trump has bandages on his bruise covered hand and is falling asleep at public events almost daily. This man is not well and I don’t think MAGA can deny it anymore. pic.twitter.com/70LeXjkFLq

— Harry Sisson (@harryjsisson) December 4, 2025

“Ai gjithashtu merr aspirinë çdo ditë, gjë që testet e tij klinike kanë treguar se mund të kontribuojë në ato mavijosje që shihni”, shtoi Levitt.

Sipas raportit, Shtëpia e Bardhë po jep të njëjtën përgjigje si herën e kaluar kur u ngrit një çështje e ngjashme.

Q: Can you explain what's going on with the bandages on Trump's hand?

LEAVITT: We've given you an explanation. The president is literally constantly shaking hands. pic.twitter.com/np2SYrUgsD

— Aaron Rupar (@atrupar) December 11, 2025

Vlen të përmendet se Trump zbuloi së fundmi se iu diagnostikua “pamjaftueshmëri kronike venoze”, që do të thotë se ai ka ënjtje në gjymtyrët e poshtme sepse venat në këmbë nuk e pompojnë gjakun përsëri në zemër në mënyrë efektive. Megjithatë, kjo diagnozë nuk duket se lidhet me mavijosjet në duart e tij.