Papa e mbylli udhëtimin e tij të parë jashtë vendit me një lutje të heshtur për viktimat e shpërthimit në portin e Bejrutit

Papa Leo XIV ofroi një lutje të heshtur në vendin e shpërthimit shkatërrues në portin e Bejrutit më 4 gusht 2020, në fund të udhëtimit të tij të parë jashtë vendit si kreu i Kishës Katolike Romake.

Gjatë atij udhëtimi, ai vizitoi Turqinë dhe Libanin.

Sot, ai u takua gjithashtu me të afërmit e disa prej 218 viktimave të shpërthimit që shkatërroi një pjesë të Bejrutit dhe shkaktoi dëme prej miliarda dollarësh kur qindra ton plehrash të ruajtura keq - nitrat amoni - shpërthyen në një depo.

Për shkak të neglizhencës që çoi në atë shpërthim, asnjë zyrtar nuk është dënuar dhe libanezët janë të zemëruar sepse hetimi është penguar.

Për ta, shpërthimi është vetëm një në një seri krizash për shkak të dekadave të korrupsionit dhe krimeve financiare.

Pasi mbërriti në Liban të dielën, Papa u bëri thirrje udhëheqësve politikë të vazhdojnë kërkimin e tyre për të vërtetën për të arritur paqen dhe pajtimin në vendin e ndarë fetarisht.

Papa e nisi ditën e fundit të vizitës së tij me një vizitë në spitalin "De La Croix", i cili specializohet në trajtimin e personave me probleme psikologjike, dhe e përfundoi atë me meshë në bregdetin e Bejrutit, nga ku u nis për në Romë.