Nigeri/ Të paktën 20 të rrëmbyer në dy sulme, përfshirë pastorin, gruan e tij dhe një nuse me mysafirët e dasmës

Të paktën 20 persona, përfshirë një pastor dhe gruan e tij, si dhe një nuse dhe shoqet e saj të dasmës, janë rrëmbyer në dy sulme të ndara në Nigeri. Në shtetin qendror të Kogi, sulmuesit hynë në Kishën Cherubim dhe Seraphim, qëlluan me armë dhe detyruan besimtarët të shpërndahen, duke rrëmbyer pastorin, gruan e tij dhe disa pjesëtarë të tjerë.

Në shtetin verilindor të Sokoto, nusja dhe mysafiret e saj u morën gjatë përgatitjeve për ceremoninë e dasmës, së bashku me një foshnjë dhe disa gra të tjera. Shkollat dhe vendet e adhurimit janë bërë objekt i sulmeve të fundit në veri dhe qendër të Nigerisë.

Autoritetet nuk kanë identifikuar ende rrëmbyesit, megjithatë analistët besojnë se bëhet fjalë për banda kriminale që kërkojnë shpërblime, ndërsa zyrtarë presidencialë sugjerojnë se mund të jenë grupe xhihadiste. Shumë nxënës dhe mësues mbeten të zhdukur, ndërsa disa prej të rrëmbyerve të sulmeve të tjera raportohet se janë liruar.

Rrëmimet kanë rritur shqetësimet për sigurinë e komuniteteve rurale dhe kanë shtuar presionin ndaj autoriteteve për të forcuar mbrojtjen e shkollave, kishave dhe zonave të izoluara. Pagesa e shpërblimeve është ndaluar, por besohet se ende bëhet në praktikë.

Zyrtarët dhe analistët nigerianë theksojnë se viktima janë nga të gjitha besimet dhe se nuk ka prova që të krishterët po sulmohen në mënyrë specifike.