Rusia ka një arsenal të mjaftueshëm mjetesh për t'iu përgjigjur siç duhet konfiskimit të mundshëm të aseteve të saj dhe BE-ja do ta "ndjejë përgjigjen" nga Moska, tha zëvendësministri i Jashtëm, Alexander Grushko në një intervistë me Izvestia.

“Brukseli dhe kryeqytetet e tjera evropiane, të cilat janë veçanërisht të zellshme në mbështetjen e idesë së konfiskimit de facto të parave ruse, mund të jenë të sigurt se Rusia ka një arsenal të mjaftueshëm aftësish për një përgjigje të duhur politike dhe ekonomike. BE-ja do ta ndiejë përgjigjen tonë”, tha diplomati.

"Pasojat për iniciatorët dhe pjesëmarrësit e masave të shpronësimit janë të garantuara. Refuzimi publik për të respektuar të drejtat pronësore të Federatës Ruse do të çojë në një kolaps të besimit në sektorin financiar evropian, i cili është formuar prej dekadash, dhe në një rrjedhje të kapitalit në shkallë të gjerë. Kjo kuptohet në të gjithë botën”, u shpreh numri dy i diplomacisë ruse.

“Ne nuk do të rekomandonim që shtetet anëtare të BE-së të udhëhiqen nga zyrtarë evropianë të papërgjegjshëm dhe rusofobë të vendosur, të cilët në fakt ofrojnë të provojnë në rast se rusët nuk do të bëjnë asgjë në përgjigje, dhe pjesa tjetër e botës nuk do të nxjerrë përfundime në lidhje me besueshmërinë e 'portit financiar' të BE-së."/ TASS.