SHBA sulmon një tjetër anije me drogë në Karaibe, tre të vrarë

Me urdhër të Presidentit të SHBA-së Donald Trump, Departamenti i Luftës i SHBA-së kreu sot një sulm vdekjeprurës ndaj një anijeje tjetër trafikimi narkotikësh të operuar nga një organizatë e përcaktuar si terroriste (DTO) në Karaibe.- Advertisement -

“Kjo anije, e cila, sipas inteligjencës sonë, është e përfshirë në kontrabandën e paligjshme të narkotikëve, po lundronte në një rrugë të njohur droge dhe po transportonte drogë. Tre burra ishin në bord gjatë sulmit, i cili u krye në ujëra ndërkombëtare. Të tre terroristët u vranë dhe asnjë anëtar i forcave amerikane nuk u plagos në këtë sulm”, njoftoi Pentagoni në llogarinë e tij në rrjetin X.

Në njoftim thuhet se “narko-terroristët po sjellin drogë në SHBA për të helmuar amerikanët”.

“Nuk do të funksionojë. Ministria do t’i trajtojë ata në të njëjtën mënyrë siç e trajtuam Al Kaedën. Ne do të vazhdojmë t’i gjurmojmë, hartëzojmë, kërkojmë dhe vrasim ata”, tha Pentagoni në një deklaratë.