Gaza nuk duhet të rindërtohet derisa të kthehen trupat e të gjithë pengjeve të vrarë, thotë një aktivist

Forumi i Pengjeve dhe Familjeve të Zhdukurve deklaron se nuk dëshiron të kalojë në fazën tjetër të procesit të paqes përpara se të rikthehen trupat e të gjithë pengjeve të vrarë.

“Nuk mund të kalojmë në rrugën e rindërtimit të Gazës, apo në fazën e dytë apo të tretë të planit të Trump-it, pa i rikthyer të gjithë të dashurit tanë,” tha për BBC-në zëdhënësi Daniel Lifshitz.

Lifshitz është nipi i Oded dhe Yocheved Lifshitz, të cilët u morën peng nga Hamasi më 7 tetor 2023. Gjyshja e tij u lirua dhe u kthye në Izrael, por gjyshi i tij u vra dhe trupi i tij u kthye në muajin shkurt të këtij viti.

Ai shpjegon se ekziston një mekanizëm inteligjence mes Turqisë, Izraelit, Katarit, Egjiptit dhe SHBA-së për të gjetur trupat e pajetë, së bashku me informacionin e dhënë nga Hamasi, por thekson se “ende nuk ka asnjë tregues për një afat kohor të caktuar.”

Lifshitz thotë se ka dëgjuar nga Ministria e Jashtme gjermane dhe autoritetet katariote që Hamasi “i di të gjitha vendndodhjet” e trupave të pengjeve të vrarë.

“Mund të shpresojmë për këtë. Por duhet të sigurohemi që asnjë lëshim – rindërtimi i Gazës apo çështje të tjera – të mos ndodhë derisa të gjithë të jenë kthyer në shtëpi,” përfundon ai./BBC