Palestinezët mblidhen në turma ndërsa mbërrijnë ndihmat

Kamionët me ndihma po hyjnë në Gaza dhe qindra të tjerë po presin në radhë në kufi.

Tani po shohim fotografi të palestinezëve që mblidhen rreth konvojeve me ndihma që mbërrijnë në Khan Younis, në Gazën Jugore. Kamionët mbërritën në pikën kufitare Kerem Shalom, përpara se të hynin në territor, si pjesë e marrëveshjes së armëpushimit që hyri në fuqi të premten.

Në gusht, Klasifikimi i Integruar i Fazës së Sigurisë Ushqimore (IPC) shpalli zi buke në disa pjesë të territorit, përfshirë Qytetin e Gazës.

Megjithatë, Izraeli e hedh poshtë raportin e IPC-së dhe ministria e tij e punëve të jashtme thotë se përfundimet janë "të bazuara në gënjeshtrat e Hamasit" . Organi izraelit i ndihmës ushtarake Cogat thotë se raporti injoron "përpjekjet e gjera humanitare të ndërmarra në Gaza".

Duke folur për BBC-në më herët të dielën, James Elder i UNICEF-it tha se dhjetëra kamionë janë parë duke hyrë në Gaza - siç tregojnë këto imazhe - por kjo nuk është ajo që nevojitet.

OKB-ja vlerëson se të paktën 600 kamionë me ndihma nevojiten çdo ditë për të filluar adresimin e krizës humanitare në Gaza.