Një ngjarje tronditëse është regjistruar mëngjesin e sotëm në zonën e Mirandolës, ku një burrë 86-vjeçar vrau gruan e tij 89-vjeçare dhe më pas u hodh nga kati i tretë i banesës ku jetonin.
Sipas informacioneve paraprake nga policia, gruaja e ndjerë vuante prej kohësh nga demenca, ndërsa dyshohet se bashkëshorti i saj e ka mbytur para se të kryente vetëvrasje duke u hedhur nga lartësia.
Oficerët e policisë nga stacioni më i afërt mbërritën menjëherë në vendngjarje pas raportimit të banorëve për zhurma dhe alarm. Ata gjetën trupin e pajetë të burrit poshtë pallatit dhe më pas zbuluan gruan të vdekur brenda apartamentit.
Autoritetet kanë nisur hetimet për të zbardhur me saktësi dinamikën dhe motivet e ngjarjes së rëndë, ndërsa dyshohet se ajo ka qenë një vrasje-vetëvrasje e motivuar nga vuajtjet shëndetësore të çiftit dhe ndoshta nga gjendja psikologjike e burrit.
Prokuroria ka urdhëruar autopsinë për të dy trupat dhe është duke analizuar të gjitha rrethanat që çuan në këtë fund tragjik.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Navrocki vendosi t’i heqë Zelenskit dekoratën më të lartë polake - Urdhrin e Shqiponjës së Bardhë
Tronditet Gjermania, foshnja rrëmbehet nga karroca dhe gjendet e pajetë pas 24 orësh
Zelensky: Një javë duhet të jetë e mjaftueshme që Lukashenko të largojë pajisjet e përdorura nga Rusia