Venezuelianja María Corina Machado ia dedikon Çmimin Nobel Donald Trumpit

María Corina Machado, politikane dhe aktiviste venezueliane, është shpallur fituese e Çmimit Nobel për Paqen për vitin 2025. Machado u njoftua me një telefonatë në mes të natës nga drejtori i Institutit Norvegjez të Nobelit, duke shpërthyer në emocione dhe lot.

Në një postim në rrjetin social “X”, ajo theksoi se kjo njohje i përket gjithë popullit venezuelian dhe e cilësoi si një nxitje për të vazhduar “pushtimin e lirisë”. Ajo gjithashtu përmendi mbështetjen e Presidentit të SHBA-së Donald Trump, popullit amerikan dhe kombet demokratike të botës si aleatë në rrugën drejt lirisë dhe demokracisë.

This recognition of the struggle of all Venezuelans is a boost to conclude our task: to conquer Freedom.

We are on the threshold of victory and today, more than ever, we count on President Trump, the people of the United States, the peoples of Latin America, and the democratic…

— María Corina Machado (@MariaCorinaYA) October 10, 2025

Machado më vonë postoi një deklaratë zyrtare ku ia dedikoi çmimin vetëm popullit të vuajtur të Venezuelës, duke lënë jashtë përmendjen e Trump. Kandidatura e saj kishte marrë mbështetje nga Sekretari i Shtetit të SHBA-së, Marco Rubio, dhe Ambasadori i SHBA-së në OKB, Mike Waltz, me letrat e tyre drejtuar Komitetit të Nobelit në 2024.

Shtëpia e Bardhë reagoi ditën e sotme, duke shprehur pakënaqësi që Trump nuk u nderua me çmimin, duke akuzuar Komitetin e Nobelit se “politikë e ka vendosur para paqes”.

Ngjarja ndodh në një kontekst të tensionuar: Ushtria amerikane ka sulmuar anijet venezueliane në Detin e Karaibeve gjatë muajit të fundit, ndërsa Presidenti i Venezuelës, Nicolas Maduro, ka paralajmëruar se është gati të shpallë gjendje të jashtëzakonshme në rast agresioni nga SHBA-të.