Ambasada e SHBA-së në Katar ka lëshuar një urdhër emergjent “strehimi në vend”, duke u kërkuar qytetarëve amerikanë të mos lëvizin dhe të qëndrojnë aty ku ndodhen. Sipas njoftimit, qytetarët këshillohen të monitorojnë kanalet zyrtare të ambasadës për përditësime të mëtejshme, pas raporteve për një sulm ajror.
Korrespondenti i sigurisë, Frank Gardner, raportoi se sulmi i Izraelit ndaj udhëheqjes së Hamasit në Katar përfaqëson pikërisht atë skenar që shumë analistë e kishin frikësuar: një “larje hesapesh” e zgjatur nga Tel Avivi pas sulmit të Hamasit në Izrael më 7 tetor 2023.
Ky veprim shihet si pjesë e një fushate më të gjerë të Izraelit kundër armiqve të tij në rajon – nga Gaza, Libani, Siria, Irani e Jemeni, deri tashmë edhe në Katar.
Analistët paralajmërojnë se ky sulm krijon një precedent të rrezikshëm për çdo proces paqeje të ardhshëm. Nëse Katari – vendi që ka shërbyer si ndërmjetës kyç për bisedime të shumta ndërkombëtare, përfshirë ato mes SHBA-së dhe talebanëve – nuk është më një terren i sigurt, atëherë lind pyetja: ku mund të zhvillohen negociatat e paqes?
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
'Kemi frikë të flasim': Iranianët thonë se shtypja është më e ashpër se para luftës
Tetë të vdekur nga rrëzimi i një bombarduesi B-52 i Forcave Ajrore amerikane në Kaliforni
17 shtete mbështesin memorandumimin SHBA-Iran dhe kërkojnë zbatim të shpejtë