Gjendet një bombë e Luftës së II Botërore, evakuime në qendër të Bratislavës

Zbulimi i një bombe të Luftës së Dytë Botërore në kryeqytetin e Sllovakisë gjatë punimeve ndërtimore shkaktoi evakuime të martën, thanë zyrtarët.

Masa emergjente mbuloi disa blloqe në qendër të Bratislavës, përfshirë një urë të madhe mbi lumin Danub. Transporti publik dhe i gjithë trafiku u ndaluan gjatë orës së pikut të mëngjesit.

Ekspertët po planifikonin ta çaktivizonin bombën 500 paundëshe (225 kilogramëshe), e cila u zbulua të hënën në mbrëmje, deri në mesditë.

Një rafineri nafte e vendosur në zonë ishte një shënjestër e bombardimeve të Aleatëve në vitin 1944 gjatë luftës. Sllovakia ishte një shtet kukull nazist gjatë Luftës së Dytë Botërore./ AP.