Politico raporton se udhëheqësja e ekstremit të djathtë, Marine Le Pen, edhe pse e ndaluar të kandidojë për poste publike për shkak të një dënimi që është ende në apel, po përgatitet të luajë një rol kyç në rrëzimin e kryeministrit François Bayrou. Më 8 shtator pritet të mbahet një votë mosbesimi, ku Tubimi Kombëtar i Le Pen — partia më e madhe opozitare në Asamblenë Kombëtare — është zotuar ta përmbysë qeverinë dhe të kërkojë zgjedhje të reja.

Sipas Politico, Macron dhe Bayrou kishin llogaritur se Le Pen nuk do të rrezikonte, por ajo ka befasuar duke mobilizuar menjëherë mbështetësit. Partitë e majta gjithashtu kanë njoftuar se do të votojnë kundër qeverisë, duke e bërë të vështirë mbijetesën e saj.

Në prapaskenë, Le Pen po këshillohet me juristë për të sfiduar ndalimin e saj, ndërsa sondazhet tregojnë se mbi 60% e francezëve duan kthimin në zgjedhje. Nëse qeveria bie, Macron do të gjendet nën presion të madh për të shpërndarë parlamentin ose për të dhënë dorëheqjen.