'Udhëtari në kohë' nga viti 1959 pikaset në foton e re të Trump-it e Putinit

Të vëmendshmit e internetit kanë vënë re një detaj të çuditshëm në fotot e Donald Trump-it dhe Vladimir Putinit, si dhe RichardNixon-it dhe Nikita Hrushovit. Duket sikur aty gjendet një "udhëtar në kohë".

Javën e kaluar, ish-presidenti amerikan u takua me liderin rus në samitin e Alaskës. Qëllimi ishte negociimi i kushteve të paqes me kreun e Kremlinit. Pavarësisht kushteve të vështira të Putinitpër paqe, të dy liderët dukeshin miqësorë dhe herë pas here të ngrohtë ndaj njëri-tjetrit.

Një foto nga takimi, e ndarë nga Trump në TruthSocial, e tregon atë duke i drejtuar gishtin në gjoks Putinit. Ndërkohë, Putin shfaqet me një buzëqeshje të sforcuar, teksa një përkthyes duket se po ndërmjetësonte bisedën e tyre. Kjo erdhi pasi një lexues buzësh zbuloi premtimin tronditës me 3 fjalë që Donald Trump i pëshpëriti Vladimir Putinit në vesh gjatë samitit të tyre në Alaskë.

Kjo foto u krahasua me një tjetër nga viti 1959. Ajo tregon ish-zv/presidentin Nixon dhe liderin sovjetik Hrushov gjatë debatit të famshëm "të kuzhinës" në Moskë, raporton Daily Star.

Në këtë foto, Nixon shihet gjithashtu duke treguar me gisht, ngjashëm me Trump-in, i cili e publikoi foton 'provokuese' me Putinin pasi ishte bërë të dukej 'i dobët'.

Ndërsa Trump dukej i etur për të tërhequr paralele mes veprimeve të tij dhe atyre të pararendësit republikan, përdoruesit e rrjeteve sociale vunë re një ngjashmëri tjetër. Përkthyesit në të dyja fotot dukeshin çuditërisht të ngjashëm, sipas Mirror.

Personat e paidentifikuar kishin ngjashmëri të habitshme në modelet e flokëve, tiparet e fytyrës dhe veshjen, këmishë, kostum dhe kravatë të ngjashme. Përdoruesja e X/Twitter, Carole Tahan, vuri re: "Një udhëtar në kohë nga takimi Nixon/Hrushov (1959) në samitin Trump/Putin në Alaskë (2025). Ngjashmëria e jashtëzakonshme e 2 përkthyesve!".

Një tjetër përdorues, me pseudonimin @polymath1959, vuri re: "2025 paneli sipër – Trump përballë Putinit 1959 paneli poshtë – Nixon përballë Hrushovit. Fakt i çuditshëm dhe argëtues? I njëjti përkthyes në të dyja pamjet, i paplakur fare!".

Ekspertja e gjuhës së trupit, Judi James, gjithashtu vuri re ngjashmërinë, duke i thënë Mirror: "Duket sikur kanë marrë madje një dublikat të atij që qëndronte mes liderëve asokohe, për ta vendosur në të njëjtin vend, me të njëjtin shikim të shqetësuar në fytyrë, duke sugjeruar se kjo është punë serioze."

SHBA ndoqi një strategji të frenimit ndaj Bashkimit Sovjetik, që solli kundërshtimin e Uashingtonit me zgjerimin komunist në disa vende, përfshirë Vietnamin, ndërsa mbështeste kundërshtarët e tij, si në Afganistan.

Megjithatë, Trump ka mbajtur një qëndrim më miqësor ndaj Putinit, i cili nuk është parë që nga koha kur Rusia aneksoi ilegalisht Krimenë nga Ukraina.

Marrëdhëniet më të fundit të ngrohta të Putinit me një republikan ndodhën gjatë kohës së George W. Bush-it në detyrë.

Dyshja u takua për herë të parë në vitin 2001, kur ish-presidenti deklaroi se e pa Putinin në sy dhe "iu duk shumë i drejtpërdrejtë dhe i besueshëm, dhe patëm një dialog shumë të mirë. Arrita të kuptoj shpirtin e tij."

Bush gjithashtu tha se Putini "ishte një njeri thellësisht i përkushtuar ndaj vendit të tij dhe interesave më të mira të vendit të tij dhe unë e vlerësoj shumë dialogun e hapur, dhe ky ishte fillimi i një marrëdhënieje shumë konstruktive." / The Mirror - Syri.net