Kancelari Merz udhëton në jug të Francës për një darkë pune me Macron: E qartë se nuk do të ketë një takim Putin-Zelensky

Kancelari gjerman Friedrich Merz deklaroi se “është e qartë që nuk do të ketë një takim” në të ardhmen e afërt midis presidentit të Ukrainës, Volodymyr Zelensky, dhe presidentit rus, Vladimir Putin, ndryshe nga sa kishte shpresuar presidenti amerikan, i cili kishte kërkuar një zgjidhje diplomatike për përfundimin e luftës.

“Është e qartë se një takim i tillë nuk do të ndodhë, ndryshe nga ajo që ishte rënë dakord më parë midis presidentit Trump dhe presidentit Putin,” u shpreh Merz, në praninë e presidentit francez Emmanuel Macron.

Dy liderët u takuan për një darkë pune në Fort Bregançon, në jug të Francës, ku dhanë një deklaratë të përbashkët për mediat para se të nisnin bisedimet zyrtare.

Sipas Mertz, në axhendën e takimit ishin përfshirë çështje dypalëshe, si bashkëpunimi ekonomik ndërmjet Gjermanisë dhe Francës, por edhe tema ndërkombëtare, si situata në Ukrainë dhe përpjekjet për të reduktuar burokracinë në Bashkimin Evropian.