Hipokrizia e së majtës: Si Zoran Mamdani dhe George Soros përdorin parimet për të fshehur privilegjin dhe pushtetin

Në skenën politike të sotme, ku fjala “socializëm” përdoret si flamur për barazi dhe drejtësi, është gjithnjë e më e qartë se pas këtij flamuri fshihen interesa të mëdha, hipokrizi e thellë dhe privilegj i pakufizuar. Rasti i Zoran Mamdanit është shembulli më i pastër i kësaj fasade. Ky "socialist" i vetëshpallur nga Nju Jorku, që flet me zell kundër miliarderëve dhe pabarazisë, mbështetet nga as më pak e as më shumë se George Sorosi, një nga miliarderët më të fuqishëm dhe më të përfshirë në ndërhyrje politike në botë. Sorosi ka derdhur 37 milionë dollarë në Partinë e Familjeve Punëtore dhe grupe të tjera të ekstremit të majtë që më pas ndihmuan Mamdanin të ngjitet në skenën publike. Kjo është jo thjesht kontradiktë, por mashtrim.

Mamdanit i pëlqen të flasë për “barazi” ndërkohë që vetë e pranon se ka pasur luksin të lërë punën për t’iu përkushtuar politikës, sepse mund të mbështetej financiarisht nga familja e tij. Ai thotë se kjo është diçka që shumica e njerëzve nuk e kanë, dhe ka të drejtë. Por pikërisht për këtë arsye, pretendimi i tij për të përfaqësuar të varfrit dhe punëtorët është qesharak. Ai nuk është produkt i luftës klasore, por i rehatisë elitare. Ai nuk është zëri i shumicës, por një figurë e sponsorizuar që përfiton nga rrjetet e parave dhe pushtetit që thotë se i urren.

George Sorosi, nga ana tjetër, përdor miliardat e tij për të ndikuar politikën amerikane sipas agjendës së tij globaliste. Duke financuar kandidatë të majtë si Mamdani, ai nuk po promovon drejtësinë, por po blen ndikim. Kjo nuk është bamirësi, por manipulim. Dhe kur një njeri që predikon kundër pasurisë merr mbështetje nga një prej njerëzve më të pasur në planet, është e qartë se socializmi që na shitet sot nuk është për klasën punëtore, është për të privilegjuarit që kërkojnë më shumë kontroll.

Në vend që të ndërtojnë një shoqëri më të drejtë, Sorosi dhe Mamdani po ndërtojnë një sistem ku idealet përdoren si fasadë për pushtet dhe ndikim. Kjo është fytyra e re e majtës: e paketuar bukur, e financuar fort dhe krejt e pandershme.

Ndiqni videon reportazhit të Daily Caller:

Gazetari: George Soros ka dhënë 37 milionë dollarë për Partinë e Familjeve Punëtore dhe për grupe të tjera të majta që më pas mbështetën Zoran Mamdanin. Kjo është interesante, pasi Mamdani është socialisti nga Nju Jorku që thotë se miliarderët nuk duhet të ekzistojnë dhe tani shikojeni atë duke marrë para nga George Sorosi. Ai ka një histori të gjatë të pohimeve se e ardhmja e Nju Jorkut dhe Amerikës është socializmi demokratik.

Socializmi dhe politika e majtë ekstreme janë kthyer në një lloj çante firmato për ata që janë rritur të privilegjuar. Dhe këtë e dimë sepse Mamdani tregon vetë për rrjetën e tij të sigurisë në jetë.

Mamdani: “Kam punuar deri në janar dhe më pas mora pak kohë pushim nga puna. Dhe një nga arsyet kryesore pse munda ta bëj këtë është sepse e dija që, nëse më mbaronin kursimet, familja ime do të ishte në gjendje të më mbështeste. Dhe ky nuk është një luks që shumë njerëz e kanë. Dhe nuk duhet që një realitet i tillë të luajë rol në përcaktimin se kush është në gjendje të përkushtohet më shumë në fushatën e tij.”/Fox News-Syri.net