Ministri i Jashtëm i Ukrainës ka mbërritur në Nju Delhi për një vizitë dyditore për të nxitur lidhjet dypalëshe dhe bashkëpunimin me Indinë, e cila e konsideron Rusinë një aleate të sprovuar me kohë që nga epoka e luftës së ftohtë.

Associated Press  raporton se Dmytro Kuleba do të takohet me homologun e tij indian Subrahmanyam Jaishankar të premten, si dhe zëvendës këshilltarin e sigurisë kombëtare, sipas Ministrisë së Jashtme të Indisë.

Të enjten, Kuleba do t'i bëjë nderimet e tij udhëheqësit indian të pavarësisë Mahatma Gandhi në vendin përkujtimor në Rajghat.

Vizita e tij vjen një javë pasi kryeministri indian Narendra Modi foli me presidentin ukrainas Volodymyr Zelenskiy dhe presidentin rus Vladmir Putin,  pasi India deri më tani i ka shmangur kritikat për luftën në Ukrainë. Në vend të kësaj, Nju Delhi ka theksuar nevojën për diplomaci dhe dialog për përfundimin e luftës dhe ka shprehur gatishmërinë  për të kontribuar në përpjekjet për paqe.