Izraeli anuloi vizitën e planifikuar të një delegacioni të nivelit të lartë në SHBA si një mesazh për Hamasin, tha të mërkurën kryeministri Benjamin Netanyahu. Anulimi i vizitës erdhi pasi Uashingtoni refuzoi të vërë veton ndaj një rezolute të Këshillit të Sigurimit të OKB- së që bën thirrje për një armëpushim të menjëhershëm në Gaza të hënën.

Duke u takuar në Jerusalem me Senatorin amerikan Rick Scott, një republikan nga Florida, Netanyahu shpjegoi arsyet e tij.

“Mendova se vendimi i SHBA-së në Këshillin e Sigurimit ishte një veprim shumë, shumë i keq”, tha kryeministri izraelit. “Pjesa më e keqe në lidhje me të… ishte se inkurajoi Hamasin të mbante një qëndrim të ashpër dhe të besonte se presioni ndërkombëtar do ta pengonte Izraelin të lironte pengjet dhe të shkatërronte Hamasin.”

Vendimi për të mos dërguar delegacionin në Uashington ishte një mesazh për grupin militant palestinez, shpjegoi ai. “Ishte një mesazh para së gjithash për Hamasin: ‘Mos vini bast mbi këtë presion, nuk do të funksionojë’. Shpresoj se ata e kanë marrë mesazhin”, tha Netanyahu.