Londra lidhi "marrëveshjet më të këqija tregtare në botë" me Brukselin pas daljes së Mbretërisë së Bashkuar nga BE, pretendoi themeluesi i Save British Farming.

Fermerët në Mbretërinë e Bashkuar protestuan kundër rregullave pro-Brexit dhe marrëveshjeve tregtare të hënën, duke pretenduar se ato po godasin rëndë mjetet e jetesës dhe sigurinë ushqimore.

Nën tingujt e borive të makinave, Save British Farming dhe Fairness for Fermers i çuan traktorët  ngadalë në jug të Londrës drejt Sheshit të Parlamentit, ku prisnin mbështetësit.

Duke shfaqur tabela që shkruanin "’s’ka fermerë, s’ka ushqim, s’ka të ardhme", protestuesit i kërkuan qeverisë t'i japë fund marrëveshjeve tregtare që ata thonë se lejojnë importet e ushqimit të prodhuar sipas standardeve që do të ishin të paligjshme në Mbretërinë e Bashkuar dhe nënvlerësonin fermerët vendas.

E pyetur nga një gazetar i BBC Neës: "Qeveria thotë se ne i mbështesim me vendosmëri fermerët tanë, çfarë do të thoni për këtë?",  Liz Ëebster - themeluesja e Save British Farming, tha: "Ata nuk po thonë të vërtetën. Ata negociuan marrëveshje tregtare të cilat fjalë për fjalë na vrasin ne. Ato janë marrëveshjet më të këqija tregtare në botë.

"Ne jemi zhgënjyer totalisht dhe plotësisht nga kjo qeveri," shtoi ajo. "Ne kërkojmë ndryshim."

Dalja e Mbretërisë së Bashkuar nga BE ka ndikuar ndjeshëm në bujqësinë e saj. Nxjerrja e vendit jashtë zonës së tregtisë së lirë të bllokut dhe rrjetit të rregullave i ka lënë fermerët të përballen me dhimbje koke burokratike, vështirësi në eksport dhe mungesë të fuqisë punëtore.

Një raport i Euroneës në vitin 2021 zbuloi se prodhuesit e verërave të gazuara në Mbretërinë e Bashkuar kishin përdorur punë vullnetare për të vjelë rrushin, për shkak të një reduktimi të konsiderueshëm të punëtorëve migrantë që vinin në Angli për shkak të Brexit. Pandemia e COVID gjithashtu luajti një rol.

Shumë fermerë britanikë e mbështetën Brexit-in, duke kundërshtuar politikën e përbashkët bujqësore shumë të kritikuar të BE-së.

Shumë tani thonë se marrëveshjet tregtare pas Brexit midis Mbretërisë së Bashkuar dhe vendeve si Australia dhe Zelanda e Re kanë hapur derën për importe të lira me të cilat ata nuk mund të konkurrojnë.

Organizatorët e protestës kanë goditur gjithashtu etiketimin që lejon produktet të mbajnë një flamur të Unionit kur ato nuk janë rritur ose kultivuar në vend.

Protesta masive të fermerëve kanë mbërthyer vendet në mbarë BE-në. Fermerët në Poloni, Francë dhe Gjermani kanë demonstruar kundër atyre që pretendojnë se janë burokracia e rëndë, politikat mjedisore dhe konkurrenca e huaj e pandershme.

Ashtu si britanikët, ata pretendojnë se po çohen drejt falimentimit.

Opinioni publik në Mbretërinë e Bashkuar për BREXIT është përkeqësuar, sipas disa sondazheve.

Një sondazh nga Opinium zbuloi se një shumicë e dukshme e publikut britanik tani beson se tërheqja nga Bashkimi Evropian ishte e keqe për ekonominë e vendit.

Sondazhi i më shumë se 2,000 votuesve në Mbretërinë e Bashkuar zbuloi gjithashtu se një numër jashtëzakonisht i ulët i njerëzve besojnë se BREXIT i ka sjellë përfitim atyre ose vendit të tyre.