Nga David Millward, TELEGRAPH

Donald Trump ka nisur një sulm të ashpër ndaj Robert F Kennedy Jr-in, duke e akuzuar si më të majtin nga të gjithë kandidatët presidencialë të SHBA, pasi sondazhet e fundit tregojnë se kandidati i pavarur po fiton terren dhe potencialisht po kërcënon fushatën e Trump-it.

Mosmarrëveshja mes dy kandidatëve është intensifikuar kohët e fundit, me Kennedy-in që akuzoi Trump-in se ishte "i frikësuar" dhe "i çakërdisur", ndërsa Trump e ka përshkruar Kennedy-n si një "liberal të majtë radikal" që ndihmon Joe Biden-in.

Kennedy, i cili kandidon si i pavarur, duket se po tërheq më shumë mbështetje nga Trump sesa Biden, sipas një sondazhi të NBC që tregon se epërsia e Trump-it ndaj Biden-it do të ndryshonte nëse Kennedy dhe kandidatë të tjerë të krahut të majtë do të hynin në garë.

Sulmet e intensifikuara të Trump-it ndaj Kennedy-t në platformën e tij "Truth Social" pasqyrojnë shqetësimet e tij për rritjen e popullaritetit të Kennedy-t mes ish-donatorëve të Trump-it dhe votuesve të mundshëm.

Duke e përshkruar Kennedy-n si një "të çmendur radikal të majtë ", Trump pretendoi se Kennedy ishte më liberal se çdo kandidat demokrat, duke shënuar një kthesë të fortë nga konsiderimi i Kennedy-t si një zëvendëspresident potencial.

Nga ana tjetër, Kennedy akuzoi Trump-in për "hedhje bombash helmuese", duke kritikuar sjelljen e çrregullt të Trump-it në rrjetet sociale.

Kennedy, djali i Bobby Kennedy-it, është mohuar nga familja e tij, e cila mbështet Biden-it. Ai është akuzuar për promovimin e teorive konspirative, duke përfshirë një për Covid-19 që shënjestron grupe specifike etnike.

Pavarësisht se është etiketuar si "anti-vaksinë", Kennedy e mohon këtë dhe ka deklaruar se duhet të ketë prova shtesë për sigurinë dhe që prindërit duhet të kenë të drejtë të zgjedhin nëse duan t'i vaksinojnë fëmijët.

Propozimet e tij politike përfshijnë shkatërrimin e bankave të mëdha dhe monopoleve dhe tërheqjen e trupave amerikane nga kufijtë e Rusisë për të sjellë paqen në Ukrainë.

Sulmet e Trump-it ndaj Kennedy-t shihen si një përpjekje për të mbajtur mbështetjen në shtetet kryesore si Michigan, Pennsylvania dhe Wisconsin, ku ndikimi i Kennedy-t po rritet.

Disa votues të Michigan-it, si Mike Panza, i cili votoi për Trump-in në vitin 2020, po shqyrtojnë mbështetjen e Kennedy-t për shkak të qëndrimit të tij ndaj kujdesit shëndetësor.

Corwin Smidt i Universitetit Shtetëror të Michigan-it sugjeron se Kennedy mund të jetë më i dëmshëm për Trump-in në Michigan për shkak të klimës aktuale politike.

Jeff Lord, një ish-anëtar i Shtëpisë së Bardhë të Reganit, beson se sulmet e Trump-it ndaj Kennedy-t janë një përpjekje për ta penguar atë të fitojë tërheqje, të ngjashme me ndikimin e George Wallace në Hubert Humphrey në 1968.