Kur kanë mbetur edhe pak orë për funeralin e Alexei Navalny, ekipi i tij ka thënë se ata vazhdojnë të përballen me vështirësi në organizimin e ceremonisë së lamtumirës.

Zëdhënësja e tij Kira Yarmysh tha se nuk kishin mundur të gjenin një makinë funerali për ta çuar trupin në kishë.

"Njerëz të panjohur po telefonojnë agjencitë funerale dhe i kërcënojnë nëse pranojnë të marrin trupin e Alexeit," tha zonja Yarmysh.

Funerali do të mbahet sot në periferi të Moskës, dy javë pasi kundërshtari i fortë i Putinit vdiq në një burg në Arktik.

Të mërkurën, ekipi njoftoi se ceremonia përkujtimore do të mbahej në orën 14:00 me orën e Moskës në Kishën e Ikonës së Zotit në Maryino.

Varrimi do të bëhet më pas në varrezat e Borisovskoye aty pranë në orën 16:00. Ceremonia e varrimit do të transmetohet gjithashtu në internet në kanalin e Navalny-t në YouTube.

Navalny vdiq më 16 shkurt në burgun rus brenda Rrethit Arktik.