Mijëra qytetarë të Maqedonisë së Veriut rrezikojnë të mos jenë në gjendje të largohen nga vendi ose të kthehen në atdhe pas 12 shkurtit.

Qytetarët e Maqedonisë së Veriut u vunë në radhë në stacionet policore këtë fundjavë në përpjekje për të marrë pasaportat e tyre të reja. Të hënën skadon vlefshmëria e pasaportave të vjetrave që nuk e thonë fjalën “Veri”.

Ndërkohë që letërnjoftimet e vjetra do të mbeten të vlefshme në vend, vonesa në lëshimin e pasaportave kërcënon të ndikojë në lëvizjet e qytetarëve, duke kufizuar udhëtimin e tyre dhe duke penguar ata që janë jashtë që pas 12 shkurtit të kthehen në atdhe.

“Fizikisht është e pamundur të lëshohen të gjitha dokumentet brenda afatit. Vetë shtypja dhe dhënia e pasaportave përbën problemin më të madh dhe mund të reduktohet vetëm me organizim dhe menaxhim më të mirë”, tha ministri i brendshëm teknik i sapoemëruar, Pançe Toshkovski.

Me ritmin aktual të lëshimit të rreth 50,000 pasaportave në muaj, ai vlerësoi se do të duhej edhe një vit pas përfundimit të këtij procesi.

Mosmarrëveshja e emrit i referohet historisë së lashtë, sepse si Maqedonia e Veriut e sotme ashtu edhe Greqia veriore ishin pjesë e një krahine romake të quajtur Maqedoni.