Presidenti i Francës Emmanuel Macron ka njoftuar se dy punëtorë humanitarë francezë janë vrarë nga një sulm me dron rus në Ukrainë.

Macron u shpreh se sulmi ishte një akt frikacak dhe i pandershëm, ndërsa shprehu solidaritetin për vullnetarët e tjerë në fushëbetejë.

Nga ana tjetër ministri i Jashtëm i Francës, Stephane Sejourne, paralajmëroi se “Rusia do të duhet të përgjigjet për krimet e saj”.

Zyrtarët ukrainas thanë se dy shtetasit francezë u vranë dhe tre të huaj të tjerë u plagosën të enjten në qytetin Beryslav, pranë qytetit jugor të Ukrainës, Kherson.