Tre herë më e madhe se madhësia e një fushe futbolli, 20 kuverta, peshon 250.000 ton dhe që mund të mbajë rreth 7000 njerëz anija më e madhe e lundrimit 'Icon of the Sea' ka nisur lundrimin e saj të parë nga Majami.

Po a është e gjelbër sa pretendojnë krijuesit e saj?

Kompania ka theksuar faktin se anija funksionon me gaz natyror të lëngshëm.

Ndërtuesit e saj janë shprehur se gazi natyror i lëngshëm është vetëm një pjesë e strategjisë së tyre alternative të karburantit së bashku me biokarburantet, metanolin dhe burime te tjera të energjisë.

Krijuesit e saj shtojnë gjithashtu se anijë është ndërtuar për të akomoduar qelizat e karburantit të cilat prodhojnë energji elektrike pa djegie për tu përdorur për ashensorët megjithëse bateritë nuk janë instaluar ende për shkak të një problemi me furnitorët.

Gjithshtu kur Icon të mbërrije në port do të funksionojë me energji elektrike të furnizuar nga bregu një alterantivë më e pastër për funksionimin e gjeneratorëve shumë ndotës.

Kjo nuk i bind grupet mjedisore që argumentojnë se Royal Caribbean, kompania që zotëron anijen, e keqinterpreton LNG-në si lëndë djegëse jeshile, sepse motori lëshon 70% -80% më shumë gazra serë për udhëtim sesa nëse do të përdorte një naftë të rregullt të linjës.  

Siç shpjegojnë ata, përdorimi i LNG në vend të lëndëve djegëse të tjera mund të zvogëlojë emetimet e dioksidit të karbonit me 25%, por një anije turistike që përdor LNG lëshon më shumë gazra serë në përgjithësi. 

Kjo ndodh kur një pjesë e gazit natyror nuk digjet, duke rezultuar në emetimin e metanit , një gaz serrë shumë më i fuqishëm se dioksidi i karbonit.

Anijet, shtojnë ata, duhet të përdorin qeliza karburanti dhe hidrogjen ose metanol të rinovueshëm, të cilët lëshojnë më pak gazra serë.

Studimet nga organizatat mjedisore madje krahasuan gjurmën e karbonit të një pushimi njëjavor të lundrimit në Evropë me fluturimin dhe qëndrimin në një hotel. 

Shqetësues nuk është vetëm emetimi i gazrave serrë. 

Portet që pranojnë anije kaq të mëdha turistike kanë filluar të pakësohen.

 Venecia, Barcelona dhe Amsterdami janë vetëm tre nga qytetet kryesore që ndalojnë ose kufizojnë anijet e lundrimit mes shqetësimeve në rritje për ndikimet mjedisore dhe shëndetësore.

Gjigantët si Icon mund të bëhen mysafirë të padëshiruar dhe komenti i shefit të Karaibeve Mbretërore se anija e tyre është "anija më e madhe e keqe" nuk është thjesht një shaka, por realitet.