Kyriakos Mitsotakis: Dua të them se, për shembull, një burrë I vetëm mund të përdorë një nënë surrogate për të pasur një fëmijë. Po kjo nuk do të lejohet në Greqi. Unë jam shumë i qartë se çfarë do të bëjmë dhe shumë i qartë se çfarë nuk do të bëjmë! Në ligj nuk do të ketë “Prindi 1”, “Prindi 2”.

Një plan për legalizimin e martesës civile dhe I birësimit të fëmijëve nga të njëjtët në gjini i nxitur nga qeveria greke e qendrës së djathtë pritet të miratohet nga Parlamenti falë mbështetjes së opozitës së majtë, pavarësisht reagimit të Kishës Ortodokse.

Planet e kryeministrit grek Kyriakos Mitsotakis për të legalizuar martesat e të njëjtës gjini në vend dhe për të lejuar birësimin për çiftet LGBTQ+ morën mbështetjen vendimtare të opozitës së majtë të enjten.

Stefanos Kasselakis, ish-bankieri haptazi homoseksual që drejton partinë radikale të majtë Syriza, tha se ai do të udhëzonte 38 ligjvënësit e tij që të votonin për propozimin, edhe pse ai e kritikoi ligjin se nuk shkon aq larg sa i përket të drejtave prindërore.

Kasselakis, i cili u martua me burrin e tij në Nju Jork në tetor 2023, ka shprehur dëshirën për të pasur fëmijë nëpërmjet një nëne surrogate – një praktikë e cila është dënuar së fundmi nga Papa Françesku dhe që është bërë e paligjshme në Itali.

Po ligji i ri i avancuar nga Mitsotakis nuk i lejon çiftet e të njëjtës gjini të kenë fëmijë përmes nënave surrogate në të ardhmen. Të drejtat e plota prindërore do t'u jepen vetëm çifteve të të njëjtës gjini që tashmë kanë fëmijë.

Greqia aktualisht e lejon këtë procedurë vetëm në rastet e grave beqare ose të martuara - të cilat nuk janë në gjendje të lindin fëmijë për arsye shëndetësore. Edhe çiftet heteroseksuale, burrat ose gratë beqare, lejohen të birësojnë.

Një projektligj i mëparshëm i propozuar në fillim të kësaj jave do të kishte lejuar të drejtën e prindërimit nëpërmjet nënave zëvendësuese.

Në një intervistë për Star, një televizion privat, politikani tha se megjithë “papërsosmëritë” e tij, propozimi i shpalosur nga kryeministri të mërkurën përmban “disa elementë pozitivë”.

Greqia i ka legalizuar tashmë bashkëjetesën e të njëjtës gjini Që në 2015.

Mbështetja e opozitës do të siguronte që ligji të kalonte parlamentin me 300 vende, pavarësisht se një duzinë ligjvënësish në partinë e qendrës së djathtë të Mitsotakis, Demokracia e Re, e kundërshtuan atë. Partia ka gjithsej 158 ligjvënës në parlament.

Kasselakis e ka kritikuar kryeministrin për refuzimin për të detyruar të gjithë ligjvënësit e tij të mbështesin një çështje të të drejtave të njeriut, duke e quajtur "frikacakëri politikë". Mitsotakis u rizgjodh për mandatin e tij të dytë në një fitore dërrmuese vetëm gjashtë muaj më parë./ar/sh/SYRI.NET

​