Se si një shpikës u hodh nga Kulla Eifel me parashutë të bërë vetë, si Mbreti Aleksandër i Greqisë vdiq pasi u kafshua nga një majmun dhe shumë ngjarje tragjike janë të përshkruar në librin e Ben Gazur ‘Strange Ways to Die in History:  The Heroic, Tragic and Funny, libër që pritet  të publikohet më 30 janar.

Media britanike Dailymail ka publikuar disa nga këto histori që ne do i radhisim më poshtë:

Franz Reichelt - shpikësi që u hodh nga Kulla Eifel me një parashutë të bërë vetë 

Edhe pse ai ishte një rrobaqepës nga zanati, pasioni i vërtetë i Franz Reichelt qëndronte tek shpikjet. 

Në atë kohë, në fillim të shekullit të 20-të, avionët ishin në fillimet e tyre dhe Reichelt ishte i prirur të zhvillonte një parashutë.

Ai filloi të qepte një kostum të veçantë të bërë nga mëndafshi dhe gome. 

Në vitin 1912, atij iu dha leja për të testuar kostumin nga Kulla Eifel e Parisit.

Megjithëse miqtë u përpoqën ta bindnin që të mos e kryente këtë hedhje Reichelt nuk i dëgjoi pasi kërkonte të realizonte ëndrrën e tij.

Kamerat ishin aty për të siguruar që bëma e Reichelt do të regjistrohej përgjithmonë.

Ai u pa i ulur në një karrige për disa momente para se të kalonte gardhin në nivelin e parë të kullës.

Në vend që kostumi të funksiononte siç besonte ai, Reichelt ra nga lartësia ku dhe gjeti vdekjen e menjëhershme

Harold Davidson - famullitari i shkarkuar që u vra nga një luan

Kleriku anglez Harold Davidson pati një fund të çuditshëm dhe të tmerrshëm.

Davidson i cili kishte qenë rektor i famullisë Norfolk të Stiffkey, u shkarkua nga detyra në vitin 1932 pasi u zbulua se ai kishte kaluar kohë me prostitutat. 

Davidson më pas u transferua në Skegness,dhe për të siguruar jetesën ai filloi të merte pjesë në një shfaqje të quajtur  "Daniel in the Lion's Den" në 1937.

Kjo shfaqje përfshinte hyrjen e tij në një kafaz me dy luanë. Ndërsa në fillim shfaqja po shkonte mirë sic duket në një shfaqje fati nuk ishte në anën e Davidson. Ai shkeli aksidentalisht bishtin e një luaneshe – bashkëshortja e një luani të quajtur Fred.

Fredi u hodh drejt tij dhe i rrëshqiti në qafë dhe shpinë, duke i shkaktuar plagë të thella dhe duke i  thyer një kockë në qafë, duke i sjell dhe vdekjen e menjëhershme.

Mbreti  George V - injektuar me morfinë dhe kokainë 

Në kohën kur ai vdiq në janar 1936, Mbreti George V kishte qenë në gjendje të keqe shëndetësore për disa vite.

Kur ai vuajti nga ajo që besohej të ishte një ftohje e rëndë në javët e fundit të jetës së tij, mjekët e tij lëshuan një deklaratë ku shkruhej: "Jeta e Mbretit po ecën paqësisht drejt fundit". 

Një nga mjekët e tij, Bertrand Daëson, planifikoi ta ndihmonte monarkun të kishte një vdekje paqësore. 

Ditari i tij, i cili u zbulua në vitin 1936, regjistroi se për shkak se 'faza e fundit mund të zgjaste për shumë orë', ai i injektoi morfinë dhe kokainë për të shpejtuar vdekjen e tij.

Mbreti Aleksandri I i Greqisë - vdiq pasi u kafshua nga një majmun

Aleksandri I i Greqisë trashëgoi fronin e vendit të tij vetëm pasi vëllai dhe babai i tij më i madh u larguan nga atdheu i tyre pas shpërthimit të Luftës së Parë Botërore.

Pasi shkaktoi një skandal kur u martua me një jo të rangut të tij, Aleksandri nuk ishte i popullarizuar. 

Megjithatë, pak do të kishin pritur që një majmun do të ishte shkaku i vdekjes së tij - siç ishte në vitin 1920.

Duke ecur me qenin e tij në oborrin e pallatit të tij një primati erdhi nga jashtë dhe sulmoi kafshën e tij.

Teksa ndërhynte për t'i ndarë kafshët, u shfaq një majmun tjetër dhe i shkaktoi një kafshim të thellë mbretit.

Duke mos dashur të shqetësonte askënd, ai mbuloi plagët dhe më pas vazhdoi ditën e tij.

Por brenda pak orësh, mbreti ishte sëmurë rëndë nga një infeksion.

Disa operacione dështuan për të kuruar sëmundjen e tij, me mjekët që nuk donin të bënin një amputim.

Katër javë më vonë, mbreti vdiq nga ethet. 

Bobby Leach - rrëshqiti në lëkurën e portokallit dhe theu këmbën

Në vitin 1911, anglezi Bobby Leach vendosi të gjente famë duke kaluar mbi Ujëvarat e tmerrshme të Niagarës në një fuçi të ndërtuar posaçërisht.

Në mënyrë të pabesueshme, ai i mbijetoi suksesit, por kaloi gati gjashtë muaj në spital duke u shëruar nga thyerjet e gjurit dhe brinjëve. 

Pasi u shërua, ai fitoi para nga rënia e tij duke shitur kartolina dhe duke shkuar në turne botërore.

Pikërisht kur ai ishte në turne në Zelandën e Re në vitin 1926, fati i mbaroi.

Teksa po ecte në rrugë, ai rrëshqiti mbi një copë lëvozhgë portokalli dhe theu këmbën.

Komplikimet  i detyruan mjekët t'i prenë këmbën por më filloi infeksioni dhe Leach vdiq.