Sipas pamjeve të shpërndara në rrjetet sociale, shihet një ushtar izraelit që tallet me palestinezët pranë rrënojave të Universitetit Al-Azhar në veri të Rripit të Gazës, që është bombarduar nga forcat izraelite.

Në videon e shpërndarë, shihet ushtari izraelit që tregon universitetin e bombarduar Al-Azhar, transmeton Telegrafi.

‘Për ata që pyesin pse nuk ka arsimim dhe shkolla në Gazë. Ups, na ka rënë një raketë. I kemi bombarduar. Është shumë keq. Kështu kurrë më nuk do të bëheni inxhinierë’, thotë ushtari izraelit.

Videoja e shpërndarë ka nxitur reagime të ashpra dhe zemërim. E ushtarët izraelitë prej fillimit të luftës kanë shkatërruar ndërtesat që i përkisnin civilëve palestinezë në qytetin Khan Yunis në jug të Rripit të Gazës.

Video të ngjashme të talljes më palestinezët nga ana e ushtrisë izraelite ishin publikuar në rrjetet sociale.

Në një video shiheshin ushtarët izraelitë duke i djegur ndihmat që ishin dedikuar për civilët palestinezë, në zonat e prekura nga lufta.

Gaza |

“For all those asking why there is no education in Gaza. We bombed them. That sucks. That’s how you will never become engineers anymore"

Israeli soldier Yishai Shalev standing afront Al-Azhar university. pic.twitter.com/Bej2Jkb06N

— Younis Tirawi | يونس (@ytirawi) January 5, 2024