Organizata Botërore e Shëndetësisë (OBSH) tha se është shumë e shqetësuar për përhapjen e sëmundjeve infektive në Gaza pasi qindra mijëra palestinezë mbeten të zhvendosur, me shumë në strehimore dhe objekte shëndetësore të mbipopulluara.

Në një  deklaratë të premten, drejtori i përgjithshëm i OBSH-së Tedros Adhanom Ghebreyesus tha se sëmundjet dhe kushtet e mëposhtme janë dokumentuar në strehimoret në të gjithë rripin nga mesi i tetorit deri në mes të dhjetorit:

Rreth 180,000 raste të infeksioneve të rrugëve të sipërme të frymëmarrjes

136.400 raste të diarresë - gjysma e fëmijëve nën 5 vjeç

55.400 raste me morra dhe zgjebe

5330 raste të lisë së dhenve

42.700 raste të skuqjes së lëkurës

4683 raste të sindromës akute të verdhëzës

126 raste me meningjit

"OBSH dhe partnerët po punojnë pa u lodhur për të mbështetur autoritetet shëndetësore për të rritur mbikëqyrjen dhe kontrollin e sëmundjeve duke furnizuar medikamente, komplete testimi për të mbështetur zbulimin dhe reagimin e shpejtë ndaj sëmundjeve infektive si hepatiti, dhe duke u përpjekur të përmirësojnë aksesin në ujë të sigurt, ushqim, higjienë dhe shërbimet sanitare”, thuhet në deklaratë. 

Deri më tani, 1.9 milionë palestinezë, që përbëjnë rreth 85% të popullsisë së Gazës, janë zhvendosur që nga 7 tetori, sipas  UNRWA . 

Ndërkohë, vetëm 13 nga 36 spitale mbeten pjesërisht duke funksionuar në të gjithë Gazën, me dy të tjerë që funksionojnë minimalisht, tha OBSH në një  deklaratë të mërkurën.