Franca do të ketë një numër të madh policësh dhe ushtarësh të dislokuar ne te gjithe vendin për festimet e Vitit të Ri të kësaj fundjave për shkak nivelit “shumë të lartë” të kërcënimit terrorist me të cilin përballet vendi, deklaroi të premten Ministri i Brendshëm Gerald Darmanin.

Sipas tij, do te jene rreth 90,000 policë të vendosur në të gjithë Francën, me 6,000 prej tyre në Paris. Do të jene gjithashtu 5000 ushtarë të dislokuar nga njësia ‘Sentinelle’, e krijuar për t’u marrë me kërcënimet terroriste.

“Unë kam bërë thirrje për një pjesëmarrje jashtëzakonisht të lartë të policisë dhe forcave të sigurisë duke pasur parasysh kontekstin e kërcënimit shumë të lartë terrorist për shkak të asaj që po ndodh në Izrael dhe në Palestinë,” u tha ministri I brendshem francez Gerald Darmanin gazetarëve.

Darmanin tha se policia për herë të parë do të jetë në gjendje të përdorë dronët si pjesë e punës së sigurisë dhe se dhjetëra mijëra zjarrfikës dhe 5000 ushtarë do të vendosen gjithashtu në gatishmëri.

Festimet e natës së Vitit të Ri në Paris do të përqendrohen në temën e Lojërave Olimpike të Parisit 2024, ku pritet të marrin pjesë DJ të shumtë DJ dhe video projeksione në Harkun e Triumfit.

Zyrtarët evropianë të sigurisë kanë deklaruar se ekziston një rrezik në rritje i sulmeve nga islamistët e radikalizuar nga lufta Izrael-Hamas.