Sekretari i Përgjithshëm i OKB-së Antonio Guterres ka mbajtur një konferencë shtypi pas votimit në Këshillin e Sigurimit të OKB-së.

Ai u shpreh se një pauzë humanitare është “e vetmja mënyrë për të filluar për të përmbushur nevojat e njerëzve në Gaza dhe për t’i dhënë fund makthit të tyre të vazhdueshëm”.

“Rezoluta e sotme e Këshillit të Sigurimit mund të ndihmojë që kjo të ndodhë më në fund, por shumë më tepër duhet bërë menjëherë,” theksoi ai.

“Duke parë në terma afatgjatë, jam jashtëzakonisht i zhgënjyer nga komentet e zyrtarëve të lartë izraelitë që vënë në pikëpyetje një zgjidhje me dy shtete”, shtoi Guterres.

Shefi i OKB-së deklaroi se zgjidhja me dy shtete në përputhje me rezolutat e OKB-së “është e vetmja rrugë drejt paqes së qëndrueshme”.