Kërkesa është rritur në qiell vitet e fundit midis manjatëve për strehime luksoze që do t'i shpëtojnë ata dhe familjet e tyre nëse vjen fundi i botës!

Dhe një prej tyre është dhe CEO i Facebook, Mark Zuckeberg për të cili thuhet se po ndërton një kompleks superluksoz prej 100 milionë dollarësh në Haëaii.

Ky kompleks do të ketë një strehë nëntokësore të pavarur nga energjia dhe vetë-mjaftueshme për ushqim.

Ndërtimi i kompleksit, sipas revistës amerikane Wired, është duke u zhvilluar dhe kur të përfundojë, pritet të jetë një nga projektet e ndërtimit privat më të shtrenjtë në historinë moderne.

Tuneli nëntokësor dhe arratisja 

Brenda kompleksit më të avancuar dhe të pasur, i cili ndodhet në ishullin Kauai, do të ketë më shumë se një duzinë ndërtesa me dy pallate qendrore të lidhura me një tunel nëntokësor që të çon në strehën prej 5000 metrash katrorë.

Të paktën 30 dhoma gjumi dhe 30 banja, bujtina dhe shtëpi pemësh do të lidhen gjithashtu me njëra-tjetrën me ura.

Derë kundër shpërthimit 

Sipas Wired, streha nëntokësore do të ketë gjithashtu një derë betoni dhe çeliku shumë "rezistente ndaj shpërthimit".

Hyrja dhe dalja nga kompleksi nuk është aspak një detyrë e lehtë. Shumica e dyerve qendrore kanë sisteme sigurie të koduara. Të gjitha dhomat janë të izoluara nga zëri, ndërsa biblioteka ka një derë të fshehtë ose "të verbër".

Kamerat e sigurisë do të jenë në çdo cep të kompleksit, ndërsa rreth tij ka një mur prej gjashtë metrash.

Sipas burimeve të Wired, prodhuesit synojnë një kompleks plotësisht të vetë-mjaftueshëm. Një rezervuar uji - 16,5 metra në diametër dhe 5,4 metra i lartë së bashku me një sistem pompimi do të instalohet në pronën prej 1400 hektarësh, ku objektet blegtorale dhe bujqësore tashmë ofrojnë burime ushqimi.