Presidenti rus Vladimir Putin ka shprehur shpresën e tij për “rigjallërimin” e marrëdhënieve midis Greqisë dhe Rusisë, bazuar në lidhjet historikisht të mira mes dy vendeve, gjatë një takimi që pati me ambasadoren e re të Greqisë në Rusi, Ekaterini Xagoraris.

Në të njëjtën kohë, sipas agjencisë TASS, Putin nuk mungoi të shprehë shqetësimin e tij për "situatën aktuale në marrëdhëniet dypalëshe", e cila u përkeqësua pas pushtimit rus të Ukrainës.

“Nuk mund të mos shqetësohet për situatën aktuale në çështjet dypalëshe. Ne ende shpresojmë që lidhjet tradicionale të afërsisë shpirtërore, simpatisë reciproke dhe respektit të popujve rus dhe grek do të ndihmojnë përfundimisht në ringjalljen e partneritetit reciprokisht të dobishëm midis vendeve tona, si dhe marrëdhëniet tona të biznesit", tha presidenti rus gjatë ceremonisë së pranimit të letrave kredenciale të ambasadorëve të huaj të sapoemëruar.