Personat e liruara nga Hamasi kanë dhënë detaje për trajtimin  tyre gjatë kohës që mbaheshin të rrëmbyer në Gaza. Sipas tyre të burgosurit mbaheshin në salla të mëdha nën tokë. Ata besojnë se ishin rreth pesë kate më poshtë.

Gjatë rrëmbimit ata kishin ushqim bazë dhe kishin ajrosje për dy orë në ditë.

Disa prej tyre kishin akses në TV dhe radio dhe u shprehën se ishin të vetëdijshëm që izraelitët po mblidheshin për t'u kthyer dhe se po bënin presion për të siguruar që kjo marrëveshje [armëpushimi] të realizohej.

Ata që kishin kushte mjekësore morën mjekim, por kishin probleme me gjumin. Duket se ekziston një histori që Hamasi u kishte dhënë atyre një tabletë gjumi dhe ata e ndanë atë mes tyre.

Kaq shumë detaje të vogla, por kjo është një pamje më e madhe për trajtimin e tyre. Gjithashtu, nga stafi mjekësor është konstatuar se ata janë në gjendje të mirë.