Rusia nuk heq dorë së shkaktuari probleme, sërish nis emigrantët drejt pikës kufitare finlandeze

Rusia nuk heq dorë së shkaktuari probleme, sërish nis emigrantët drejt pikës kufitare finlandeze

23:31, 24/11/2023
A+ Aa A-

Autoritetet ruse do të transportojnë 55 azilkërkues që prisnin të kalonin pikën kufitare tashmë të mbyllur “Salla” me Finlandën në pikën e fundit të hapur në veri të rajonit Murmansk.

Sipas guvernatorit të Murmanskut, Andrei Chibis, 200 shtetas të tjerë të huaj që nuk mundën të kalonin kufirin kanë vendosur të qëndrojnë në Rusi dhe do t’u sigurohen autobus për në Shën Petersburg.

Njoftimi vjen vetëm një ditë pasi rajoni i Murmanskut deklaroi një gjendje gatishmërie pasi Finlanda tha se do të mbyllte të gjitha pikat kufitare midis dyja vendeve përveç njërës, raporton themoscowtimes.

Finlanda akuzon Rusinë se ka lejuar emigrantët pa dokumente, kryesisht nga Lindja e Mesme dhe Afrika, të kalojnë kufirin e tyre të përbashkët për ta destabilizuar vendin.

Helsinki iu bashkua këtë vit NATO-s, duke i dhënë fund dekadave të mos-angazhimit, si përgjigje ndaj pushtimit rus të Ukrainës.

Chibis gjithashtu tha se situata në të gjitha pikat kufitare me Finlandën, përfshirë në Lotta, i vetmi vendkalim funksional, ishte “nën kontroll”.

© SYRI.net

Lexo edhe:

Komentet

Shto koment

Denonco