Sapo ka kaluar ora 06:30 në Gaza, është dita e 41-të të konfliktit mes Izraelit dhe Hamasit.

BBC njofton se çfarë ka ndodhur gjatë orëve të fundit:

Presidenti i SHBA-së Joe Biden ka thënë se ai ka ca shpresa se mund të ketë një marrëveshje për lirimin e pengjeve të mbajtura nga Hamasi në Gaza.

Duke folur pas një takimi të nivelit të lartë me presidentin kinez Xi Jinping, ai tha se SHBA kishte parë "bashkëpunim të madh" nga Katari, i cili ka udhëhequr negociatat e vazhdueshme midis Izraelit dhe Hamasit.

Ai foli gjithashtu për sulmet e 7 tetorit të Hamasit ndaj Izraelit, duke thënë: "Ideja se ata do të ndalojnë dhe nuk do të bëjnë asgjë, nuk është e vërtetë".

Komentet e tij vijnë një ditë pasi Forcat e Mbrojtjes së Izraelit  thanë se kishin nisur një operacion "preciz dhe të përqëndruar" në spitalin Al-Shifa.

IDF ka akuzuar Hamasin për vendosjen e një qendre komandimi dhe kontrolli në një rrjet tuneli nën spital - një pretendim i mohuar vazhdimisht nga Hamasi, por i mbështetur nga shërbimi sekret amerikan.

Izraeli e filloi sulmin në Gaza pas sulmit të Hamasit të 7 tetorit, ku u vranë 1200 njerëz dhe u morën pengjet.

Sipas numërimit të fundit të lëshuar nga Ministria e Shëndetësisë e drejtuar nga Hamasi, pesë ditë më parë, të paktën 11,000 njerëz në Gaza janë vrarë që nga 7 tetori, duke përfshirë më shumë se 4,500 fëmijë.