Sapo ka kaluar ora 06:30 në Izrael dhe Gaza dhe BBC njofton mbi ato që kanë ndodhur gjatë orëve të fundit.
SHBA thotë se Izraeli do të fillojë të zbatojë çdo ditë pauza ushtarake katër-orëshe në zonat e Gazës veriore për të lejuar civilët të largohen.
Pauzat janë një "hap në drejtimin e duhur", tha presidenti amerikan Joe Biden, duke shtuar se do të ketë dy korridore humanitare në Gaza që do t'i lejojnë njerëzit të shpëtojnë nga sulmet.
Kryeministri i Izraelit, Benjamin Netanyahu, ka thënë se vendi i tij nuk po kërkon të pushtojë, okupojë apo qeverisë Rripin e Gazës pas përfundimit të luftës me Hamasin.
Duke folur për gazetën amerikane Fox Neës, ai tha se do të duhej një "forcë e besueshme" për të hyrë në enklavë nëse është e nevojshme për të parandaluar shfaqjen e kërcënimeve militante.
Ministria e Shëndetësisë e drejtuar nga Hamasi në Gaza thotë se të paktën 10812 njerëz, përfshirë 4412 fëmijë, janë vrarë tani në enklavë që kur Izraeli filloi sulmet e tij ajrore.
Sulmet filluan si hakmarrje ndaj sulmit të Hamasit ndaj Izraelit më 7 tetor, i cili vrau 1400 njerëz dhe 240 të tjerë i morI peng./ar.sh/SYRI.NET
Fëmijët palestinezë inspektojnë shtëpitë e shkatërruara në Khan Younis në Rripin jugor të Gazës
© SYRI.net