Kreu i grupit islamik libanez Hezbollah, Hassan Nasrallah, ka nisur të mbajë një fjalim sot në mesditë. BBC në orën 14:07 njoftoi se ky është fjalimi i tij i parë që nga shpërthimi i luftës. Vendndodhja e tij është një mister - por mijëra njerëz po e shikojnë duke folur, duke përfshirë turmat e mbështetësve të mbledhur në Bejrut, kryeqytetin e Libanit.

Hezbollahu - i cili, si Hamasi, konsiderohet një organizatë terroriste nga Britania e Madhe, SHBA dhe të tjerët - është forca më e madhe politike dhe ushtarake në Liban.

Çfarë është Hezbollahu dhe pse është i rëndësishëm?

Lideri i grupit islamik libanez Hezbollah, Hassan Nasrallah, vendosi t’u drejtohet ndjekëse të tij sot dhe ky lajm ka marrë vëmendje të madhe. Por çfarë është Hezbollahu dhe pse ka rëndësi nëkonfliktin aktual Izrael – Gaza? BBC shpjegon.

Një forcë e fuqishme e armatosur dhe politike

Hezbollah është një organizatë myslimane shiite e cila është edhe politikisht me ndikim dhe kontrollon forcën më të fuqishme të armatosur në Liban.

Lëvizja u krijua në fillim të viteve 1980 nga fuqia më dominuese shiite në rajon, Irani, për të kundërshtuar Izraelin, forcat e të cilit e kishin pushtuar Libanin jugor gjatë luftës civile të vendit.

Hezbollahu ka marrë pjesë në zgjedhjet kombëtare që nga viti 1992 dhe është bërë një prani kryesore politike.

Sulmet vdekjeprurëse

Krahu i  armatosur i Hezbollahut kreu një sërë sulmesh vdekjeprurëse ndaj forcave izraelite dhe amerikane në Liban dhe kur Izraeli u tërhoq nga Libani në vitin 2000, Hezbollahu mori meritën për largimin e tyre.

Që atëherë, Hezbollahu ka mbajtur mijëra luftëtarë dhe një arsenal të madh raketash në Libanin jugor dhe vazhdon të kundërshtojë praninë e Izraelit në zonat e diskutueshme kufitare.

Ajo është cilësuar si organizatë terroriste nga shtetet perëndimore, Izraeli, vendet arabe të Gjirit dhe Liga Arabe.

Historia me Izraelin

Në vitin 2006, shpërtheu një luftë e plotë midis Hezbollahut dhe Izraelit, e shkaktuar kur Hezbollahu kreu një bastisje vdekjeprurëse ndërkufitare.

Trupat izraelite pushtuan Libanin jugor në përpjekje për të eliminuar kërcënimin nga Hezbollahu. Megjithatë, organizata mbijetoi dhe që atëherë ka shtuar numrin e saj të luftëtarëve dhe ka marrë armë të reja dhe më të mira.

Në foto:  Mbështetësit e Hezbollahut të mblidhur në Bejrut, Liban në ditën e fjalimit të Hassan Nasrallah.