Organizata Botërore e Shëndetësisë nuk është në gjendje të marrë ndihma dhe furnizime për Gazën, duke vënë në rrezik 84,000 gra shtatzëna, tha zëdhënësja e OBSH-së, Margaret Harris për CNN.

Ka "78 metra kub furnizime shëndetësore, të cilat janë të mjaftueshme për nevojat themelore thelbësore për 300,000 njerëz" të pozicionuara në anën egjiptiane të pikës kufitare Rafah, e cila aktualisht është e mbyllur,'' është shprehur  Harris për CNN.

Drejtoresha e përgjithshme e OBSH-së kishte një marrëveshje me presidentin e Egjiptit Abdel Fattah el-Sisi për të hapur kalimin, por bombardimet izraelite e kanë bërë kalimin të pasigurt, tha ajo.

"Është një lojë pritjeje e frikshme, vërtet shqetësuese, ku të gjithë ne duam vetëm të ndihmojmë," tha Harris.

Ka 84,000 gra shtatzëna në Gaza, që mund të lindin çdo ditë, tha Harris për Vause. “Fëmijve nuk u interesojnë bombat”, tha ajo.

Disa spitale janë "jashtë funksionimit për shkak të dëmtimit fizik të bombardimeve", tha Harris, duke vënë në dukje se OBSH ka dokumentuar mbi 44 sulme në spitale.