Sekretari i Jashtëm i Mbretërisë së Bashkuar, James Cleverly, tha të hënën se, "nuk është e mundur të jepen numra" të viktimave britanike në sulmin e Hamasit ndaj Izraelit për shkak të një "numri të konsiderueshëm" shtetasish britaniko-izraelitë.
"Natyra e shtetësisë izraelite do të thotë se ka një numër të konsiderueshëm shtetasish të dyfishta britaniko-izraelitë, shumë prej të cilëve janë me banim të përhershëm në Izrael, disa punojnë edhe në ushtrinë izraelite," u tha Cleverly gazetarëve.
Ai shtoi se Hamasi duhet të njihet si një "organizatë terroriste" që "nuk po vepron në emër të tërësisë së popullit palestinez".
“Izraeli është shumë i përqendruar në trajtimin e kërcënimit specifik terrorist nga Hamasi që buron nga Gaza. Ky mbetet fokusi i tyre dhe ne vazhdojmë t'i mbështesim në atë punë”, përfundoi ai, raporton CNN
© SYRI.net